藝人田啟文為楊盼盼主持的香港開電視節目《盼你賞面》擔任嘉賓，席上田啟文笑言自己亦是武林高手，曾打算入行當動作演員。

田啟文自小對娛樂圈事業充滿熱誠，為了入行在小時候學習蔡李佛拳，希望多一門手藝能加入娛樂圈，更自言是武林高手：「嗰時喺天台練，個心成日以為自己得，覺得練過功夫係咪會易啲入行（娛樂圈），但入行後，一拍動作戲就受傷，發覺呢行飯（動作演員）唔係咁啱自己食。」他認為動作演員薪水太低，「唔夠睇跌打」，每個都做到五勞七傷，故此特別尊重他們。

田啟文又指入行首份工作是在電視台當臨時演員，但不獲家人支持，認為他沒有個人之處，但因他執意要入娛樂圈，導致與他們反面：「佢哋仲話『到冇嘢撈你就知』，點知不幸畀佢哋講中，有一段時間冇工開，我頂到山窮水盡、積蓄用晒，唯有去搵普通工，點知見工日，收到電話話請我做『看景』，看住拍攝嘅場景。」

在娛樂圈的日子裏，田啟文不時體會到要自我增值：「做臨時演員時，有一次深刻體會，有日見到個黑白片時代嘅主角，但而家則淪為配角，於是我心諗『主角唔代表一世都係主角，會有被淘汰嘅時候』所以就開始有危機感，一定要自我增值。」另一次危機感出現便是跟著周星馳的時期：「嗰時好多人都會話係跟住周星馳嘅田雞（田啟文），但嗰時我諗『萬一佢退休唔做又會點呢？』，好居安思危。」

原文鏈接：https://m.orangenews.hk/details?recommendId=1114169