【識港網訊】鍾凱琪這個名字大家也許陌生，但當你見到她的樣貌時，自然叫得出「美麗」這個《愛．回家之開心速遞》的角色名。作為一個特約演員，能夠擁有一個讓大眾認知的作品實屬難得，鍾凱琪坦言對此感到意料之外，更想過會否有機會能轉做正式演員，可惜面對「現實」這個憂慮，她不得不考慮放棄：「安居樂業係我嘅首選，跟住先會追求理想。」
感恩獲得認同
《愛．回家之開心速遞》不止主角搶鏡，連配角們都有為劇集生色不少，作為其中一個討論度高的角色，鍾凱琪坦言沒想過有如此大迴響：「當初有呢個角色嘅時候知道係連戲，但我本身係特約演員，唔會Expect有超多戲份，所以有呢個反應真係幾出乎意料之外。」她指入行10多年一直做客串的角色，途人往往都不會認得自己的名字，但現在對方就算記不起名字，都會直呼她「美麗」，對於獲更多人認同感到高興。
面對角色獲得大眾認識，鍾凱琪坦言及後有一定壓力，但認為現時需要做好自己本份，對工作負責，不要想未來，她亦不覺得「美麗」這角色是成功：「每一樣嘢未到最後都唔可以話佢已經完成咗，我成日覺得自己戲屎，但首先我要做好能力以內做到嘅嘢先，所以我冇諗咁多，一個字『做』！」
曾因輿論影響情緒
鍾凱琪於劇中曾先後迷戀秦博思（馬貫東飾）和金城安（周嘉洛飾），花痴程度讓不少網民看到受不了，不止對角色作出抨擊，就連她本人也遭到網民狠評，鍾凱琪也坦白表示曾因輿論影響情緒：「我自從做咗呢個角色或者入咗呢一行，一定有好同唔好嘅評語，我哋好多時演出完都會即時睇返大家嘅評論，我接受唔同意見，從人哋嘅批評中改善自己，都有一啲係攻擊性，睇完就算㗎喇，但當一大堆嘅時候一定有受傷嘅。」她表示令她最不開心的批評是人生攻擊，不過她認為不開心只是一剎那，再不開心也只不過是幾天的事，很快可以回復情緒。
缺憾美也是美
感受過輿論的可怕，然而鍾凱琪早前自信晒出唯美回眸的泳衣照，原來她一開始沒有想過公開，最後卻受到「細龍太」陳偉琪啟發：「我好羨慕佢副Body好靚，唔明點解啲Haters話肥囉，係咪真係要紙片人先瘦？我覺得美有好多唔同種類，我唔知咩叫做完美，但我相信缺憾美都係美，各方面有唔同嘅體態美，我見到佢張相好靚，我亦幾認同佢講嘅嘢，咪貼出嚟囉，我認同呢個行為，即係好似『#MeToo』行動咁，你覺得啱你就去做啦！」
現實問題打擊夢想追求
作為一個特約演員，客串劇集可以過一下戲癮，然而鍾凱琪透露曾有想過會否有一天能轉做正式演員，甚至有考慮報讀訓練班：「因為呢套劇畀咗我好多唔同機會，相對經濟上唔可以話好好，但叫做好過以前，開始都有諗過，就算簽我兩年簽我少少騷，當係對於自己童年嘅一個認受性，但可能未係時候啦，仲係特約身份，我都會覺得係咪自己未夠能力呢？」
現實問題打擊夢想追求
作為一個特約演員，客串劇集可以過一下戲癮，然而鍾凱琪透露曾有想過會否有一天能轉做正式演員，甚至有考慮報讀訓練班：「因為呢套劇畀咗我好多唔同機會，相對經濟上唔可以話好好，但叫做好過以前，開始都有諗過，就算簽我兩年簽我少少騷，當係對於自己童年嘅一個認受性，但可能未係時候啦，仲係特約身份，我都會覺得係咪自己未夠能力呢？」
儘使有這個夢想，但鍾凱琪很快就向「現實」低頭，皆因家人年紀漸長，她希望家人能夠退休，可惜若放開所有去追尋理想，未知能否支撐家人退休後的經濟，所以不敢貿然走這一步，更坦言如今安居樂業反而成為其首選，接著才會追求理想。
原文鏈接：http://www.orangenews.hk/officelady/system/2019/10/18/010129204.shtml
