【識港網訊】15號是藝人鄧麗欣（Stephy）36歲正日生日，日前歌迷會一班粉絲為她舉行生日會，慶祝偶像「第二個18歲生日」，他們除了送上親手炮製的生日蛋糕外，更與壽星女大玩「估歌仔」、「歌詞接龍」等集體遊戲，不少忠實歌迷擁有驚人記憶力，對Stephy的多首金曲倒背如流，令她驚訝不已！

Stephy表示已有多年未有與粉絲一起慶生：「可以同我一班親愛嘅粉絲度過我第二個18歲生日，見住大家一齊成長多一歲係好開心」而她坦言每年的生日願望也非常簡單，希望身邊人開心健康：「健康同開心永遠都係無價，呢個願望永遠都會伴隨我左右，好似今日咁見到大家玩得咁開心我已經好滿足。」

Stephy透露生日正日通常會進行生日特「瞓」，閉關一天，問到是否與男友邱勝翊（王子）度過？她扁嘴笑言：「冇啦，今年佢要做嘢，我唔知佢係咪講大話啦？哈哈，應該唔係嘅，佢真係去咗第到做嘢，冇所謂啦。」

另外，在生日會的傾心事環節上，歌迷們為偶像人生大事著急，乘勢追問與男友婚期，令壽星女哭笑不得，她更笑言懷疑歌迷們是臥底：「好多粉絲都無端端好官腔咁問我幾時結婚？我已經飽歷風霜，呢個問題已經畀人問咗十年，我已習慣咗，所以當聽唔到，哈哈。」

原文鏈接：http://www.orangenews.hk/officelady/system/2019/10/15/010128924.shtml