在這裏認識香港
苗僑偉亂入《愛．回家》 網民集氣求客串
作者：Hin 來源：橙新聞 2019-09-18 09:17
「三哥」苗僑偉！原來三哥喺佢哋拍攝期間過嚟探班《愛．回家之開心速遞》，呂慧儀更大讚三哥有型添！三哥突然現身即惹來網民關注，唔少網民都好奇三哥會唔會順道客串一下，仲紛紛留言集氣。
【識港網訊】處境劇《愛．回家之開心速遞》除咗一班熟悉嘅演員外，都不時搵唔同人嚟客串吓提高新鮮感，好似盧宛茵客串飾演嘅「崔Auntie」就大受觀眾歡迎，大家都好希望佢可以長駐《愛．回家》。
噚日呂慧儀就喺社交網上載一張合照，入面除咗有湯盈盈、姚瑩瑩、劉思希、沈可欣同何綺雲外，竟然仲有「三哥」苗僑偉！原來三哥喺佢哋拍攝期間過嚟探班，呂慧儀更大讚三哥有型添！
三哥突然現身即惹來網民關注，唔少網民都好奇三哥會唔會順道客串一下，仲紛紛留言集氣：「支持三哥客串」、「希望三哥係客串唔係探班」、「如果三哥客串埋就好啦」唔知大家嘅願望能否實現呢？
原文鏈接：http://www.orangenews.hk/officelady/system/2019/09/17/010126579.shtml
责任编辑：leidl
