【識港網訊】藝人李佳芯（Ali）昨日（12號）被指因個人言論疑被無綫雪藏，無緣參與劇集《BB來了2》，更連累拍檔黎諾懿被踢走，改由馬國明和岑麗香擔任男女主角。

Ali和黎諾懿昨晚參與《香港唱好演唱會》錄影時被問到有關傳聞，Ali表示之前收到的消息是劇集延後至明年開拍，認為拍攝播映常有變動，問到有指男女主角改由馬國明和岑麗香頂上，Ali則說：「都係睇報道先知（有否失望？）又唔會嘅，因為呢樣嘢唔係第一次喺我身上發生，之前有啲角色原本係搵我，但變咗唔係搵我，有啲角色原本唔係我後尾變咗搵我，其實一直喺公司都有面對過呢啲問題，我哋演員不嬲都幾被動。」

至於黎諾懿認為就算不能拍攝續集也不要緊，因為第一輯的成功已是美好回憶，他亦相信與Ali一定會有其他合作：「我擔保！大家放心，喺我有生之年一定會，我自己攞錢出嚟拍，都會同Ali拍一部！」黎諾懿更認為不一定要拍續集，可以與Ali有其他合作擦出新火花。

問到Ali會否覺得愧對黎諾懿？Ali表示最近忙於拍攝甚少與他傾談，未知對方是否不開心，不過黎諾懿坦言很開心，更大讚Ali沒有任何事拖累自己，認為她是最佳拍檔，甚至直言無論發生任何事都會盲撐她。對於未能拍攝續集，黎諾懿坦言：「咪等《BB來了3》囉，希望在明天嘛，我哋都仲未退休！」

原文鏈接：http://www.orangenews.hk/officelady/system/2019/09/13/010126292.shtml