【識港網訊】日前，王梓軒到Mega Box E Club宣傳明天（15日）正式上映的暑假檔動畫《貓咪媽咪Home》，梓軒更即場教小朋友跳「貓咪舞」及玩遊戲，場面十分熱鬧！

梓軒表示：「之前都試過同兒童慈善機構合作，但係喺遊樂場一齊玩就第一次！玩完波波池又玩爭櫈仔，好興奮！今日除咗小朋友，大朋友都有一齊玩。」問他怕不怕小朋友難搞？他說：「少少啦，其實佢哋個個都好乖，我到而家都有玩波波池，今日同啲小朋友喺波波池搵番啲貓咪牌出嚟，見到第一次接觸呢啲遊戲嘅朋友仔，我覺得好好笑，佢哋冇嗰個concept，係好純真嘅快樂，我爭櫈仔好叻，因為我通常都會望住播音樂嗰個人，佢差唔多落手我就搵定位，優先場反應好好，嚟緊正式上映，希望一家大細都去支持啦！」

當日梓軒與小朋友玩了兩小時後，便開始到戲院謝票，有小朋友見到梓軒，更興奮表示看了3次《貓咪媽咪Home》，之後梓軒到銅鑼灣戲院謝票時，更撞見正準備為《小Q》謝票的羅仲謙，兩位識英雄重英雄，為對方打氣！

原文鏈接：http://www.orangenews.hk/officelady/system/2019/08/14/010123886.shtml