【識港網訊】無綫聲演真人騷《好聲好戲》第二季由阮兆祥及馮盈盈擔任主持，第三輪出賽藝人有李佳芯（Ali）、袁文傑、陸浩明（6號）及黃俊豪，爭奪晉身決賽的最後一張入場券。第三輪主席評判為汪明荃（阿姐）、金牌監製梅小青及聲演《神探伽俐略》「湯川學」的資深配音員潘文柏等。

李佳芯聲演《執到寶》黃韻詩被兩隻鬼上身場口。

貴為視后的Ali輕鬆駕馭兩鬼，最終獲得11盞綠燈滿分佳績。

在熱身環節表現出色的Ali於首回合比賽保持亮眼演出，Ali選擇聲演《執到寶》黃韻詩被兩隻鬼上身的場口，今次同樣一人分飾兩角的Ali挑戰高難度大玩「雌雄同體」，分別要聲演「唱大戲男鬼」及「重口音女鬼」，貴為視后的Ali輕鬆駕馭兩鬼，最終獲得11盞綠燈滿分佳績。

陸浩明被阿姐無情重擊，佢話佢心都裂埋。

陸浩明（6號）挑戰聲演《溏心風暴》阮兆祥被逐出家門的場口，做開司儀工作的6號咬字發音方面保持水準，惟配音時「戲味」欠奉，遭阿姐狠評：「係進步咗好多，但做戲就唔同囉，尤其用把聲嚟做戲，你兩樣都未到，你都係做番主持好啲！」

陸浩明仲被阿姐叫佢返去做主持。

陸浩明被阿姐無情重擊，佢話佢心都裂埋。

6號事後受訪時坦言心都裂埋：「鏡頭後阿姐都有教我如果要學配音或者演戲，真係要搵個人或者實物練會好啲囉，其實阿姐好窩心嘅。」熱身階段表現麻麻的黃俊豪於今回合再度失準，一眾評判睇到「鞋鞋聲」，阿姐狠批「有懶音又甩嘴」，大受打擊的黃俊豪一度哽咽直指「壓力大」。

圖：TVB