【識港網訊】由王祖藍擔任主持的全新綜藝節目《有個閨密叫祖藍》，將於本周日(14 日)播出第三集，祖藍請來認識了 18 年的薛凱琪(Fiona)。二人除了在節目中展現無敵默契，祖藍還帶 Fiona 學插花兼為閨密親自下廚煮足 11 味。而 Fiona 在節目中除了大方分享生活近況、初戀歲數、拍拖次數、愛情觀、地獄廚神成長之路、 情緒病成因及經歷外，還會大談人生哲理，祖藍與 Fiona 經常鬥嘴互寸兼鬥講「冷笑話」，氣氛搞笑兼熱鬧。

初出道便與祖藍結緣的 Fiona，給予祖藍第一印象是「咩都笑得一餐」，可惜隨着走紅 後 Fiona 開始變得不快樂：「嗰時成日有人跟我，我就覺得其實只係想唱吓歌、拍吓戲，點解會變咗冇咗自己嘅生活？」

祖藍續指與 Fiona 合作電影《人間喜劇》時已察覺對方有異樣，Fiona 坦言當時眼淚完全不受控制，並邊說邊重演當時情況謂:「我會狂喊，但係係冇表情嗰隻，只係眼淚不斷滴落嚟。」Fiona 續指由於情況嚴重，當時要自創「仰天忍淚」方便化妝師化妝，祖藍亦直認至今仍難忘 Fiona 當年忍淚畫面。 Fiona 另外還分享了當時情緒出現問題的兩大成因，直指有借戲中怒摑祖藍一幕發洩負能量。

佢又承認當時有將負能量發洩喺祖藍身上，兩人共過患難，難怪成為閨密。

與 Fiona 無所不談的祖藍，單刀直入狂 Chok 對方戀愛史，Fiona 亦坦率回應：「我入行 17 年，點會冇拍過拖。但我每次都會話冇拍，你諗吓分手時幾咁痛，仲要做訪問解釋喎。」祖藍再追問 Fiona「認真拍拖次數」，Fiona 先是一本正經謂：我冇試過散拖，大概拍過四次，有一個兩年，有一個一年…」不過 Fiona 數數吓，卻忽然撒嬌「拒絕再玩」，場面有趣。

近一年留守北京工作的 Fiona，坦言由於之前未試過獨居，故此現時仍未適應獨居生 活，除了經常與媽咪 Facetime，更化身「動物託兒所」排解寂寞。

圖： TVB