【識港網訊】由王祖藍擔任主持的全新綜藝節目《有個閨密叫祖藍》，昨晚(7 日)第二集嘉賓請來胡杏兒，祖藍對杏兒讚不絕口，直指她「牛」性甚重:「佢好勤力、好顧家、好錫老公、好錫小朋友。佢都話辛苦，就真係好辛苦架喇。」祖藍又大爆私下與杏兒私交甚篤。

祖藍與杏兒又齊齊回顧處女及處男大碟趣事；當中最搶鏡的是祖藍昔日靚仔樣，對此祖藍笑指自己當年「偽林峯」Image 好難頂：「當年我同林峯同一間唱片公司，我都好奇怪，佢哋整長咗我對腳，又磨咗我啲皮，真係當咗我係林峯咁 Sell。」杏兒對於祖藍當年比現在瘦足幾個碼，亦嘖嘖稱奇。

自爆最差吻戲經驗：錫完當場嘔

唱完歌仔，杏兒與祖藍轉戰廚房陣地，二人邊食邊玩「Truth or Dare」，並先後面對回答一連串刁鑽問題， 問到「最差一次接吻戲經驗」時，杏兒苦思良久後竟想到超爆笑陳年經歷謂: 「我記得係拍《當狗愛上貓》，嗰場戲其實冇乜嘢，但我唔知係個胃唔舒服定點，錫完之後我當場嘔。」

胡杏兒不滿《衝上雲霄》演出

之後，談到最不滿意一套劇集時，杏兒直認「好多都唔滿意」:「我最唔滿意《衝上雲霄》1，因為算係第一次戲份咁重，我嗰時真係唔知自己做緊乜，因為第一次覺得自己要有角色嘅鋪排，我覺得好迷惘同好驚，所以永遠回望番都覺得自己可以做得更好。」

圖： TVB