【識港網訊】蘭茜（簡詠嫻）絕跡幕前多年，去年11月以藝術家身份於文化中心舉行書畫展，而今年3月再現螢光幕，客串演出電視劇，久違幕前令觀眾甚為驚喜。而近日她受品牌邀請，精心打扮，拍攝頭髮產品廣告。

轉型成為藝術家眼界大開

蘭茜轉型成為藝術家後，給人完全蛻變的感覺，她分享自己經歷了人生不同的階段：「其實都係每一個人成長嘅經歷，又唔係話刻意我要做啲乜嘢。我諗活到一把年紀嘅時候，你就會隨心而發，你希望可以喺人生入面，成就一啲你追求嘅嘢，我依家做緊嘅嘢，係我自己喜歡嘅！」

自己創作藝術品之前，她曾經到一間古董店做sales consultant，令她眼界大開。當中除了古董，亦接觸到很多不同的畫作、瓷器、銀器與傢俬等，每件物件都可能有百多年歷史。她認為哪些物件都經歷過一個很精彩的生命，她從這樣的工作環境中學到很多，而且與老闆、同事之間亦師亦友，非常融洽。之後報讀輔導課程，更令蘭茜有所轉變，學識如何去聆聽。

接拍廣告心感興奮 期待正式復出

久別幕前的蘭茜對於今次接拍廣告，大表緊張：「初頭我會有啲緊張，但係原來埋返位又覺得OK喎！呢個團隊每一個人都好專業，好放心，所以我一埋位，咦，嗰種感覺返番嚟！團隊畀我個感覺係好認真。由籌備到正式拍攝開心又放心！」

原來今次廣告是由她以前的新城電台同事林柏希（William）穿針引線，William亦在拍攝廣告當日現身，細心和她研究打點，蘭茜對他致以感謝。而面對正式復出，蘭茜坦言：「如果有咁嘅機會，一定會努力！我自己都想喺文化藝術方面發展，有機會做呢類型嘅節目主持，或者同大家一同分享成長路途嘅苦與樂，互相勉勵更係美事！」被問到愛情時，又說：「我覺得一個人精彩，活出更優秀嘅自己最重要。」

圖：大會提供