【識港網訊】《2022香港小姐競選》20位入圍佳麗，今日（28日）分別到又一城及利舞臺的髮型屋進行改造，不過大部份候選佳麗改造後分別不大，被指似苟芸慧的「爆炸頭」佳麗Astrid，有唔少人期待她的新造型！

大熱之一的「連詩雅師妹」邢慧敏素顏現身，身穿露肩露臍裝襯牛仔褲，一改早前的高貴look，邢慧敏表示平時多是紮起頭髮，今次髮型師將她的頭髮剪短了少許，放下來和稍作捲曲，看上去再成熟一點。

被指似苟芸慧的「爆炸頭」Astrid，以低胸吊帶裙亮現身，唔少人期待她的新造型！但最後Astrid的爆炸頭繼續保留，她表示：「同髮型師商量覺得保留呢個髮型好，呢個髮型第一次整，留咗兩三個月，自己鍾意嘗試，髮型帶來好運。（髮型引起關注？）除咗關注我頭髮，亦都可以關注我其他嘢。」被指外貌似苟芸慧，Astrid指：「都幾好呀。」

至於屢敗屢戰的張靜婷（Janice）今次終成功入圍，Janice頭髮的髮色變得再淺些，她表示做了Highlights：「因本身好耐冇整頭髮，個頭較扁塌，依家變蓬鬆，染咗淺色，好新鮮好Young，後生咗5歲。估唔到可以做highlights 。」

圖：星島、Astrid@IG