【識港網訊】荃灣「豬肉檔AK」劉宋威（威威）人氣急升，不過人紅是非多，一直以口罩示人的威威更被網民「起底」，除了找出除罩相，更被發現多年前曾做傳銷，又有網民公開一張威威舊照，相中的他上身赤裸，露出全身紋身，更傳他曾經撈偏，令威威的暖男形象一鋪清袋。

延伸閱讀：豬肉威威│阿威再被爆黑歷史傳有江湖背景　暖男形象幻滅？

連日被爆黑歷史的威威，昨晚（16日）終於忍不住在社交平台哭訴，否認自己是古惑仔，說話時哽咽而且眼眨淚光，狀甚委屈，但有人指威威「喊唔出」。

威威表示：「首先我要澄清我只係一個普通屋邨成長嘅人，基層出身，亦唔係大家所講嘅黑社會。點解喺屋邨長大就係黑社會？點解有紋身嘅人就唔係好人？就要被人歧視，點解我嘅事業賣豬肉；就會攞把刀去斬人哋？之前聽過『人紅是非多』，必定受到攻擊，自己終於明白及感受到。」

之後威威眼眨淚光邊說：「但冇辦法，把口生喺人哋度，我冇辦法只可以做好自己。希望大家唔好標籤有紋身同喺屋邨長大嘅人就唔係好人。」片尾威威表示已經預約紋身師傅，設計「威威豬」的圖案並計劃紋上身以作留念，片段一出亦有唔少「威威豬」（fans暱稱）留言打氣，但另一方面又有人指威威「喊唔出」，反應兩極。

圖：waiwai608@FB、LIHKG討論區截圖、星島