【識港網訊】陳家樂與連詩雅（Shiga）經常被影到出雙入對，地下情玩足2年，兩人愛得甜蜜，近日有傳現年35歲的陳家樂求婚成功，將與連詩雅拉埋天窗！

報道指陳家樂早前相約朋友同Shiga出海釣墨魚，雖然當日天色欠佳一直落雨，身為廿四孝女友的Shiga為怕浪費對方心機，所以繼續照行程出發，原來陳家樂今次搞釣墨魚船P，是準備向女友求婚，消息指Shiga去完洗手間返回船艙，便見到家樂拿出戒指求婚，場面浪漫！最後Shiga亦被男友的誠意打動，答應求婚。而Shiga將於本月底（29日）度過34歲生日，相信榮升做陳太會是今年最難忘的生日禮物！

陳家樂回應傳媒稱：「多謝大家關心，我哋訂婚啦。收到好多朋友既（嘅）祝福，好感恩。但係結婚日子未有確實嘅計劃，因為我哋大家手頭上仍然有好多工作要專注完成先，結婚嘅計劃同籌備都需要好多精神同時間，所以暫時先放下，遲啲有好消息一定同大家分享。」

圖：星島日報，carlosbb、shi_ga@Instagram