【識港網訊】郭富城的經理人小美（梁美薇）的父親梁桂榮昨天（25日）設靈，城城與太太方媛、外母及兩個女兒到香港殯儀館致哀。而好友俞琤、楊受成、何麗全等親到靈堂悼念，古巨基夫妻、楊采妮、張智霖夫婦、沈嘉偉夫婦、黎瑞恩及温碧霞等皆有送上花牌。另外城城今天（26日）扶靈送別世伯，之後遺體會隨即送到火葬場火化。

小美昨日（25日）穿上素服，眼紅紅拿著紙巾到大堂外受訪，表示爸爸是安詳離世，雖然享壽佰齡，但事發突然小美坦言依然十分不捨，她說：「4月25日朝早佢突然唔清醒，有啲擔心，所以即送爸爸入急症室，但情況並唔理想，作為子女希望佢有好轉，經過搶救至晚上，醫生通知情況依然唔理想，趕到醫院，佢哋更通融我哋三姊妹睇到爸爸最後一秒，佢係冇痛苦，安詳離世，因為疫情都要朋友幫手搞喪禮。」

昨日（25號）城城攜妻女致祭，之後城城獨自步出殯儀館受訪，城城說：「小美爹哋睇住我哋成長，我叫佢做『梁伯』，佢喺籃球界德高望重，我哋身邊同事，每逢節日都會去佢（小美）屋企食飯，每次見到佢爹哋時，都會好親切、和藹及溫暖笑容對住我哋。今日佢嘅離開，作為後輩喺呢一刻對佢致敬，今天（26日）我會負責扶靈，大家有心。」

今早（26日），郭富城和妻子方媛現身經理人小美（梁美薇）父親的出殯儀式。城城夫婦9時19分到達靈堂現場，據悉約11時出殯，之後遺體會隨即送到火葬場火化。