【識港網訊】昨晚起網上瘋傳一宗幼童挨跌天線得得B公仔的事件，由於公仔的官方預售價格是$52,800，涉事家長當下認為細路闖禍故賠償3萬港元給店舖，有人質疑賠償是否恰當，「賠定唔賠」引起網民熱議，就連「抽水王」林作亦有在社交平台發表意見並落力sell保險。

曾經做過律師的林作表示該家長可以拒絕賠償，稱：「相信是為撞倒擺設的小孩而賠錢的家長，剛剛聯絡了我諮詢是否應該賠錢。本人認為，家長完全有得打，根本可以即場拒絕賠償，並邀請商家向家長提出控告，反正區區幾萬元，只能上小額錢債。」他又指「如果用拖字訣，就等佢吿去小額錢債，可能已經會因為廢事煩而不了了之。而且，之後得知更好的法律意見後，更是可能在小額錢債上完勝。」

涉事公司KKplus在凌晨發聲明，但專頁在今早10時多已經刪除相關聲明。大批網民繼續在KKplus派「嬲」及留言鬧爆。

截至今早10時35分，林作稱已經接手研究本案，「該聲明的問題正正就是究竟其實當時是否客觀上你情我願，定係有大庭廣眾之下的壓力、眾目睽睽之下的壓力，來自員工指責的壓力。如果有，呢啲叫duress，脅迫，唔係叫雙方同意啊大佬。強姦犯都會成日咁反駁架啦」。

圖︰林作@Facebook、網上圖片、kkplus網頁