【識港網訊】最近香港掀起追星熱潮，連帶「豬肉檔AK」阿威爆紅，有粉絲「威威豬」（阿威Fans稱呼）幫手應援，令「荃灣鮮肉威威應援團」已突破13,000位成員，更紅到海外，就連身在加拿大的李婉華都要越洋訪問阿威，認真巴閉！

最近「豬肉檔AK」阿威接拍了首個廣告，正職是豬肉檔店長的他，每日都都要長時間站立，加上工作環境濕滑，故被廣告商看中代言鞋履品牌。首次拍廣告的他，在肉檔前大擺甫士繼續冧Fans，阿威稱：「好開心，全靠『威威豬』的支持！我相信用心去做就係專業，喺街市嘅行業都唔例外！」

阿威亦非常識做大讚代言的工作鞋，指：「長時間站立雙腳有時都會倦，始終街市地面有時會比較濕滑，所以揀選工作鞋時，舒適和抗滑是首要條件。體驗咗一段時間，雙腳真係無咁攰，同埋每一步好似踩喺枕頭咁，好得意。」阿威表示前排仲收到粉絲送的足貼，表示：「有粉絲擔心我企得攰送咗啲足貼俾我，而家有咗工作鞋，佢地可以放心喇！」

圖：橙新聞、星島