【識港網訊】

面對樓上的噪音攻擊，有些人可能會默默忍受，也有人忍無可忍出動「震樓神器」反攻。近日有荃灣居民在網上譴責樓上子女經常掉玩具落地，加上大力開閂門﹑拉枱凳等噪音滋擾，嚴重影響其休息。事主曾多次登門溝通，見對方屢勸不改，終忍不住放出大絕，以鐵鎚敲打天花「還拖」，索性跟樓上「一齊裝修」，最終成功鎮壓噪音。

近日有荃灣居民在網上大呻樓上不斷製造噪音滋擾，「呢半年嚟生活真可悲，疫情下的生活、工作要去面對，要去接受，仲要日日睇樓上心情做人。」他雖然明白疫情之下，小朋友無法出街，只能留在家中玩樂，可是由於大廈隔音不佳，樓上不時傳來掉玩具落地的噪音，嘈得他無法休息。

事主連環重擊

起初，事主打算和平解決問題，曾多番上門交涉，惟對方卻是意見接受，態度照舊，一直未有改善問題。他狠批樓上在每日早上9時許開始，一小時內便發出十多次噪音，「跑嚟跑去，大力掉嘢喺地下，每次大力閂幾次門，拉枱櫈」。後來事主請管理員一同上門，又出示錄影片段作證，指控樓上屢屢發出嘈音，沒想到對方竟惡人先告狀，「佢哋兩公婆同我嘈，見佢哋大條道理亦唔覺得有問題，覺得係我唔體恤小朋友玩，我話再唔改善我就報警，佢哋都叫我報警。」

見到事主的帖文，樓上住戶也現身回應，她表示受疫情影響，2歲女兒在家玩樂期間，有時會掉玩具和大力關門，又稱會買地墊鋪地減少噪音。本以為事件告一段落，豈料平靜不到三日，樓上又故態復萌，甚至揚言︰「接受唔到就報警，星期一至五日頭係可以發出任何噪音。」

事主一怒之下，決定「重鎚出擊」，猛敲打天花反擊，他表示「唯有豁出去，原本都諗住細裝修，依家天花我唔要了，一齊裝修，樓上終於識停了。」從照片可見，天花油漆被敲至剝落見石屎，真是打算跟樓上一拍兩散。

圖︰FB@樓上噪音苦主大聯盟(香港)