【識港網訊】網上流傳一段內部聆訊錄音，指一名公務員在家工作期間落街買早餐被同事撞到正，對方影相投訴他離開家居工作崗位，事主因而遭到聆訊。

根據錄音內容，聆訊人員向事主遞出投訴人拍攝的照片，顯示事主2022年2月5日星期六早上10時18分在餐廳出現，懷疑擅離職守，在未有得到上司同意下離開家居工作崗位。事主反駁：「我去買嘢食都唔畀？」澄清自己按政府呼籲不要在人煙最稠密的時間去買外賣，故選擇10點落街買飯。

不過，聆訊人員指平日當值人員的分批午飯時間為12至3時，時段以外不應離開工作崗位。聆訊人員指事主可以書面提交解釋，再經由上司判決事件是否恰當。錄音中，事主顯得激動，「你意思係而家要搞我？要做我？我見到佢入嚟影我相，都即刻轉做外賣啦！」他心感委屈又無辜。

網民對事件看法兩極，有人認為該錄音由事主偷錄和流出，留言「衰左就直接認啦，真係無邊幾個會10點食lunch，講唔通。」「而家衰多條公開內部文件喎！」「買飯都要用安心出行唔係斷到正咩。」「人蠢無藥醫！」

但亦有人替事主不值，「原來在家工作食飯都唔得，RESIGN啦！」「咁落樓食煙算唔算是擅自職守呢？」「公務員互相篤灰是大趨勢。」

原文鏈接：https://m.orangenews.hk/details?recommendId=1137787