【識港網訊】第80屆美國金球獎在加州舉行，於香港時間今早（11號）公布賽果，當中歌舞或喜劇組影后提名戰況激烈，結果首次獲《金球獎》提名的華人女星楊紫瓊（Michelle）憑《奇異女俠玩救宇宙》勇奪影后，為華人爭光！而同片的美籍華人關繼威亦奪最佳男配角。

楊紫瓊上台表示：「多謝荷里活外國記者協會頒獎給我，旅程很奇妙，戰鬥好精彩，但一切都值得。記得當初我去荷里活時覺得夢想成真，因為我的樣貌會受到疑惑：『是少數族裔？』，之後有人問我：『你識唔識英文？』我答：『搭咗差唔多13個鐘頭飛機過嚟，所以我就學識咗！』時光飛逝，我已經60歲，所有女人都明白當年齡增加，機會似乎都會變細……跟住我就收到這份最佳禮物：《奇異女俠玩救宇宙》。」此時，樂隊起奏音樂催她落台，她笑言：「收聲唔該！我可以打鑊你，OK？我係認真。」其急才獲網友讚賞！楊紫瓊亦多謝關繼威與珍美李寇蒂絲（Jamie Lee Curtis）等拍檔，最後表示：「呢個獎係為咗所有我依靠嘅前人，以及同我一齊喺呢個旅程向未來邁進嘅人而攞。」