【識港網訊】港版《大叔的愛》將於6月播出，藝人黃德斌今日（21號）聯同MIRROR成員Edan（呂爵安）、Anson Lo（盧瀚霆）等為劇集拍攝海報，適逢黃德斌下周五（30號）58歲生日，劇組特意送上蛋糕為他預祝生日，他切蛋糕時Edan更作狀獻吻，嚇到黃德斌毛管戙！

提到Edan作狀獻吻，黃德斌受訪時笑認：「係有啲尷尬，雖然期待新劇播出，但又唔敢睇HeHe場面，始終未試過拍呢種場面。」他指劇中與Edan零咀戲，只有一場由廚房玩到廁所的親密戲，但搞笑成份居多，並笑言有露腳趾的「裸露戲」，而他雖然不敢觀看HeHe場面，但日後不介意再拍同性戀題材的戲。

至於Edan和Anson Lo受訪時，談到黃德斌提到與Edan有「親密戲」，Edan表示二人最親密只是親面：「我哋Sell青春喜劇，冇情慾戲，其餘時間都係欲拒還迎。」Anson Lo即呻其角色阿牧很可憐：「阿田（Edan角色名）好識利用人，阿牧畀佢利用咗成年呀，哈哈！」

Edan又直言自從拍攝此劇後，接了3、4個廣告都是男拍檔，相信劇集出街後會更多，並表示：「我恨同異性拍廣告㗎！不過怕醜，同男仔合作冇咁尷尬。」二人又明言想拍攝續集或電影版，更希望是港日班底合作，但Anson Lo表示擔心演技會被比下去。

另外，MIRROR下月舉行的演唱會一票難求，更有鏡粉因買黃牛飛被騙8萬元，對此Edan和Anson Lo再三呼籲粉絲不要買黃牛，表示今次會出演唱會DVD，粉絲可以買來留念，Anson Lo更直言：「可能下年初會喺更大的場地開騷呢！」

原文鏈接：https://m.orangenews.hk/details?recommendId=156958