【識港網訊】昨晚TVB舉行《音樂永續 樂壇共享》記者會，出席單位有曾志偉、何麗全、樂易玲、一班唱片公司代表和各大唱片公司旗下歌手。出席藝人有周柏豪、菊梓喬帶領下，JW(王灝兒)、戴祖儀、譚嘉儀、李日朗、黃翊、何弘軒、林欣彤、敖嘉年和迪子等。

曾志偉一發言就寸主持蔡康年做主持不應該帶稿照讀︰「作為一個主持就唔應該帶稿嘅！」蔡康年回應表示：「主席冇辦法，要攞住張紙睇，咁我就以為我自己係職業主持，而家唔知講乜。」

另外，曾志偉、何麗全與三大唱片公司高層合照，宣佈破冰！他又提到：「等了11年，個個都是老友，多謝各界支持，希望更多音樂和歌手能夠在不同節目出現，連學友也說會來撐我！」

曾志偉又表示與唱片公司一拍即合，唔使點傾，最緊要雙贏。現時大家共同目的都是對樂壇好，疫情下大家都綁手綁腳，特別是新晉歌手需要平台宣傳，合約細節沒怎樣傾就嚟。

曾志偉一發言就寸主持蔡康年做主持不應該帶稿照讀

記者會上，曾志偉大概表示希望樂壇百花齊放，提到：「同香港市民共享音樂係好難得！」他更向星夢歌手大派定心丸︰「星夢嘅歌手仍然都會上嚟」。

原文鏈接：https://m.orangenews.hk/details?recommendId=151663