【識港網訊】丁子朗（Karl）早前受邀到林柏希的網上平台訪問，大談初出道的經歷，曾去《尚氣》試鏡，更追求過TVB同劇女演員！談未來發展時，Karl並不抗拒演BL劇（男同性戀劇），更希望能與偶像古天樂在演愛情戲！

與劉思慕試鏡《尚氣》同一段戲

2016年參選港男入行的Karl，自稱參選前是一名四眼宅男薯仔，他笑說：「TVB純粹貪我個樣夠親切，似隔離師奶個仔！」原來他曾經有去Marvel大電影《尚氣與十環傳奇》試鏡！他分享指當時在不同地方招募，從千人中挑選一個，而他從男主角劉思慕的訪問中得知，原來自己跟他casting時一樣，都是做同一段戲。

曾戲假情真 喜歡劇中女拍檔

談到愛情生活，Karl透露由18歲初戀開始，至今拍過三次拖。Karl又自爆拍劇時，曾對戲中對手產生感情，他們在拍劇時經常談天，可惜到劇終之後，想再發展下去就難再有進展：「拍完就真係冇……可能真係text message冇咁密呀，會疏啲！我都好進取㗎啦⋯⋯都明白嘅，即係唔使講到咁白！」他並沒有提及該位女星名字，只透露二人至今只合作過一次。

Karl指現時比較喜歡圈外人，因為圈內人都知道大家的通告，沒甚麼私隱。至於緋聞女友林宣妤，佢說仍是好朋友的階段。

想與古天樂演「hehe」劇

Karl身材健碩，經常「晒肌」，拍TVB綜藝節目《森美旅行團》時，更在鏡頭前全裸演出！他坦言話收過不少同志的裸照，甚至跨性別人士也有。被問到如果開拍BL劇，Karl並不抗拒，更恨與一位影星做對手：「古天樂囉，《大叔的愛》咁樣，哈哈哈，古天樂都真係幾好呀，佢由後生靚到依家，青靚白淨又係靚仔，到依家古銅色皮膚又係靚仔，真係冇得輸！我都想做佢咁樣，我希望自己第時老咗之後都可以，唔係，係年紀大咗少少之後，都可以成為古天樂！」

戥好兄弟余德丞離巢開心

最後談到友情，Karl替好兄弟余德丞離巢無綫感開心：「我覺得係正……我好戥佢開心，因為我知道佢係好想睇呢個世界，大家都見到佢嘅發展係非常之好！」

圖：盒子BOX channel《月傾會》