TVB宣布《聲夢傳奇》學員炎明熹、姚焯菲、鍾柔美、詹天文組成四人女子組合「After Class」出道，組合平均年齡只有15歲，充滿青春氣息。

現時組合「After Class」成員除了忙拍劇、出新歌，更密密接商演及廣告。日前四小花相約到慈雲山商場玩樂、輕鬆一下。四位少女見到場內「紫色空中花園」，隨即少女心大爆發，舞台經驗豐富的Yumi更擺出多個靚Pose，仲化身「小導師」教Windy擺出顯瘦及長腿甫士。

一向行型格路線的Gigi則表示，最愛掛滿紫色燈飾的20米長光影隧道，皆因充滿神祕感又帶點夢幻，仍是A0（即戀愛經驗為零）女生的她說：「呢度最啱情侶打卡，雖然我仲未搵到男朋友，但好在有3個『聲夢』姊妹陪伴，仲幫我影咗好多靚相。」至於人稱「國民初戀」的Chantel，抱著聖誕霓虹燈牌，笑容甜美散發出陣陣「仙氣」；得悉現場設有DIY夢幻糖果吧，為食的她更即嚷着要夾糖，Chantel解釋：「我想整嚟聖誕送畀朋友啫，相信見到咁多色彩繽紛嘅糖果，加埋我設計嘅包裝，收到嘅人都會特別開心！」

原文鏈接：https://m.orangenews.hk/details?recommendId=1131872