【識港網訊】

ViuTV製作的音樂及訪談節目《歌手．門》日前請來孖生姊妹衞蘭（Janice）和衞詩（Jill）擔任嘉賓，更重提Jill的吸毒風波，事件令兩姊妹的事業陷入低潮，衞蘭更承認曾怪責妹妹令事業一下子冇咗。

衛蘭原本是幫黎明做和音，後來獲黎明賞識簽約做歌手。Janice在2005年出道，剛出道已橫掃各大音樂頒獎典禮的新人獎，絕對是當紅炸子雞，有不少代表作，如《大哥》、《心亂如麻》、《愛才》及《離家出走》等，可謂前途無限。

但2009年孿生妹妹衛詩（Jill）與當時男友關楚耀因為在日本涉嫌藏有大麻被捕，案件雖然不關衞蘭事，但兩姊妹的事業同樣陷入低潮，Janice說：「因為你喺日本，所有記者都嚟搵我，去問你嘅嘢。」Janice繼續說：「有冇怪責過我妹呢？其實當然係有啦，咁多年嚟嘅事業，一路都行得好順利，一下子因為呢樣嘢嘅發生而冇咗，同埋發覺原來呢一行，當你紅嘅時候，啲人會想做你朋友，當你跌得好低嘅時候，佢哋好似唔識你，我係第一次經歷呢樣嘢，覺得呢行好現實。」

兩姊妹靠信仰走出低潮，Jill說：「除咗屋企人同公司，呢行嘅弟兄姊妹出現，留言話我聽佢哋會為我祈禱，講咗好多鼓勵嘅說話，我之後先知佢哋係基督徒。」Janice亦說：「如果冇呢件事發生，我哋唔會遇到我哋最大嘅祝福，就係遇見神，所以我而家冇怪責佢。」

原文鏈接：https://m.orangenews.hk/details?recommendId=1131474