陳柏宇（Jason）將於12月假紅館舉行一連兩場演唱會，昨日他到將軍澳海濱快閃演唱，與歌迷近距離接觸，並唱出多首歌曲，吸引不少市民圍觀。

Jason表示可出來公眾地方唱歌，感覺很開心，近日正為演唱會準備的他透露將會閉關練歌：「完成今個星期啲活動就會開始閉關練歌同練聲，自己喺studio練一個禮拜，再同樂隊排多一個禮拜就踩台。（到時騷肌？）隨意啦，今次賣藝不賣身，主力都喺唱歌同音樂鋪排上，最緊要係story telling，同埋表達我哋嘅訊息，希望大家感受到，（特別嘉賓？）係有嘅，但唔可以透露住。」問到可有孭飛債？他坦白說：「朋友訂啲飛我仲未畀晒同事，畀咗一轉，因為我太忙冇心機去搞住，但叫同事準備定大概幾多位置。」他又稱打算邀請女兒的舊老師們欣賞自己的演唱會，因為經常都說想找機會再見面，但也不知自己最終有沒有時間去搞。

原文鏈接：https://www.tkww.hk/a/202111/15/AP6191aa83e4b06eb4c40e1753.html