【識港網訊】

影后吳君如在演藝圈有著優秀的成績，近日她百忙中抽時間回到母校分享人生經驗，鼓勵師妹找到自己的方向，她更自爆當年會考幾乎科科「擔梯」！

君如於社交網晒出有關片段，片中她不忘發揮其搞笑本色，表示：「我4歲就喺度讀書……呀，唔係讀書，係返學啫。」她透露在1982年考會考，結果幾乎科科「擔梯」：「大家知唔知乜嘢叫『擔梯』？『擔梯』係H，ABCDE係合格，F就已經唔合格，仲有G同H，明喇？嗰陣我個心諗，唔合格，畀個G我都得呱？究竟個H係乜嘢嚟？真係莫名奇妙。」

君如續指到了1985年考評局取消G和H，笑言他們算做了一件好事：「你知我哋留咗成世陰影，究竟係咪衰到要『擔梯』？究竟份卷係咪冇做過？」她坦言自己輸在起跑線，雖然行得比人慢，但等了40年終於獲機會回母校與大家分享，直言：「開心過我攞金像獎最佳女主角，我依家講起都想流眼淚，I am so proud of 聖士提反女校，但係聖士提反女校今日更加proud of me.」

原文鏈接：https://m.orangenews.hk/details?recommendId=1126374