【識港網訊】

藝人苟芸慧（苟姑娘）不時於社交網分享與姪仔、姪女的生活合照，展現母愛的一面，日前她接受加碼挑戰，跟3位年齡介乎3、4歲的小朋友，進行「苟Cook 13 Round」合作炮製甜品！眾所周知，苟姑娘是整甜品高手，不過要帶領著3位小朋友一起製作，就算高手都要失手，難怪在接受挑戰前，苟姑娘已表示：「對自己非常有信心……一定會Fail！」

過程中3位小朋友需要跟苟姑娘打蛋、調配食材份量、將材料攪勻等，雖然看似簡單，但3位小朋友充份表現「失控」一面，除了未有跟指示亂落糖份量之外，又不時「逃跑」！為了滿足滿滿的求知慾，小朋友們亦不時發問問題：「咩叫Custard？」「咩叫measure？」問到苟姑娘口啞啞，雖然苟姑娘十分狼狽，但亦展現出無比的耐性，最後苟姑娘要出動糖果及士多啤梨乾，才能稍稍將混亂場面平伏。

雖然苟姑娘被弄到一頭煙，與小孩做甜品的初次體驗宣告失敗，但無損她對小朋友的喜愛：「我覺得係幾有趣嘅經驗，大家見到我個狼狽樣，不過係幾開心，同3個小朋友玩嘅過程，發覺每個小朋友都有不同個性，所以都係一個未生小朋友之前嘅Warm Up。」她更指今次挑戰對她來說難度不太大，對小朋友的愛亦不會變：「鍾意就係鍾意，好簡單，我鍾意小朋友係因為佢哋好天真。」

原文鏈接：https://m.orangenews.hk/details?recommendId=1126281