【識港網訊】

人氣男團MIRROR成員Anson Lo（盧瀚霆）昨日（7號）迎來26歲生日，一班「神徒」（粉絲名）準備一連串生日應援，不過最誇張莫過於出動郵輪，在船身以LED燈排出祝賀的字句，令網民笑言差飛機就儲齊海陸空應援！

壽星仔Anson Lo昨日除了前往尖沙咀與巨型廣告牌合照打卡外，晚上則獲隊友Edan（呂爵安）、Jer（柳應廷）及Jeremy（李駿傑）幫他慶生，並為Anson Lo送上生日蛋糕，其中在《大叔的愛》中與Anson Lo組CP的Edan還化身「田田」向「阿牧」作狀送吻並喊話：「阿牧生日快樂！雖然田田好麻煩又唔知自己想點，但其實佢都好重視你㗎，包容吓佢啦」Anson Lo亦有回覆表示：「日日都包容緊」認真Sweet到爆！

至於昨晚播出的《大叔的愛》，講到Edan飾演的田一雄與徐㴓喬（Asha）飾演的方梓芊有曖昧感覺，Anson Lo飾演的凌少牧察覺到二人微妙的感覺而打算搬走，豈料田田從後攬實阿牧挽留，卻意外被梓芊撞破，場面尷尬，及後田田坦言不知自己想什麼，只知不想阿牧搬走，並稱與梓芊只是朋友，阿牧亦趁機再表白：「不如你畀個機會我吖？如果你同佢（梓芊）冇嘢嘅，即係你可以同我一齊啦。阿田，不如你同我喺埋一齊吖！」不少網民都替阿牧感到心疼，更鬧爆田田是「渣男」，不過從預告中見到阿牧和田田行街拍拖，看來觀眾期待已久的發糖終於來了！

原文鏈接：https://m.orangenews.hk/details?recommendId=1117980