【識港網訊】藝人蔡少芬（Ada）、朱茵、陳法蓉（Monica）及洪欣組成的女團「港普F4」，將首次合體登上真人騷節目《請吃燒烤的姐姐》，4人相識逾20載，姊妹情深，Ada日前為節目出席活動時，表示她們一直都有個共同夢想，希望一起合夥開店做生意，如今節目令她們實現夢想！

對於「港普F4」合蒂拍真人騷，Ada表示她們成為好姊妹開始，已期待可以合作拍戲或上節目，今次將一嘗心願，還合夥開燒烤店，她表示：「我哋會否擦出火花？因為我哋關係太好，好到有啲爛，好驚火花一擦就燒着大家，因為我哋每個人性格都好獨特，平時我哋私下玩，都會有鬧交、唔開心嘅時候，所以我哋相識咁多年，一齊工作應該會有火花，不過會係好嗰方面。」

Ada又認為她們有默契，能互相發揮所長，更直言自己負責搞氣氛：「好多時4個人一齊食飯，我都係主動啲、搞啲笑，朱茵就係笑吓掛住食嘢，洪欣比較多嘢講，但會由頭講到尾，我就會講『其實你講重點得』，至於陳法蓉博學多才，喺節目可以提出好多得意問題。」Ada還笑言無論什麼類型的真人騷都拍過，自言是她們的老師，要向她請教！

「港普F4」4位成員均有美魔女美譽，問到究竟誰是「顏值擔當」？Ada笑言：「唔駛講，我從來都冇話過我最靚，不過真係唔駛講，第一，四個之中，我最年青，高度嚟講，我係最高嗰個，樣靚身材正呢家嘢，真係好難講。」至於誰的普通話發音最「港普」？Ada搞笑表示除了她之外，其他3個都很「港普」，並指自己的普通話比較清楚，應該是最標準，問到有否向老公張晉惡補？她表示：「唔需要，我老公話冇得救，仲話我學好咗就冇得笑，不過佢係錯嘅，我覺得我已經學得好好。」

原文鏈接：https://m.orangenews.hk/details?recommendId=157093