【識港網訊】今年樂壇成績優異的許廷鏗（Alfred），深受大眾歡迎及支持，橫掃多個年度音樂頒獎禮的男歌手、歌曲及最佳中文唱片大獎。為慶祝Alfred過去一年於各大音樂平台獲得的好成績。昨天Alfred舉辦首個《許廷鏗 感激有你2021 網上直播答謝會》，在疫情下走出商場，在線上與粉絲簽唱、玩遊戲、一對一聊天，破格無規範舉行歌迷聚會。

答謝會上，Alfred除了獻唱〈無力感〉及和〈面具〉外，亦分享了早前擔任《全民造星3》評判的感受，他說：「多謝節目剪得好，將我精要部份播出， 對我嚟講係一次幾寶貴經驗 ，因為我會諗，當年我參賽嘅時候，如果評判會同我講返咁嘅說話，我都會幾感動。原本只係諗住做個job，但去到後面都俾佢哋嘅氣氛帶動投入喺入面，企起身拍掌。朋友都話係我一直以嚟嘅堅持，令到我可以講到呢啲說話，對我刮目相看。」隨後Alfred與粉絲大玩遊戲「猜猜畫畫」，透過繪畫讓粉絲猜出歌名。眾所周知，Alfred的畫功了得，隨手都能畫出栩栩如生的圖畫，難怪一眾粉絲都能輕易猜出歌名。

玩遊戲外，Alfred又與多位粉絲作深情對話，當中有粉絲借機大吐苦水，指自己買不到最新專輯，問Alfred手上會不會有碟可以割愛，但Alfred即抱歉道：「我手頭上有，但喺我媽手上，我都唔敢膽喺佢手上搶返嚟。」 另一位由F.1已開始追隨，到現在已成了上班族的粉絲，則表示Alfred陪她走過了整段青春歲月，Alfred聽罷隨即感性道：「調返轉，你都係我嘅青春裡面出現。你嘅說話令我腦海突然有好多回憶片段湧現，令我知道，原來就算冇見到你哋都好，原來你哋嘅support仍然健在。你哋嘅不離不棄，係令我繼續堅持落去嘅一股力量。」

Alfred此時已經有點兒哽咽，怎料接著的歌迷展示第一次出席活動時的合照，Alfred竟然頓時淚流滿面，要抹乾淚水，才能訴說底蘊，解釋這名粉絲其實是Fans Club的要員，她與另外幾位粉絲的不計較付出，令Fans Club雖然形式變化多了，但大家的情感卻不變。聽過粉絲的真情剖白後，Alfred對於自己失控式落淚也不禁表示：「我冇諗過今日係一件咁嘅事，好地地做個Live，做乜會搞到咁！」

在答謝會的最後環節，Alfred特別為所有參與是次《許廷鏗 感激有你2021 網上直播答謝會》的歌迷送上親筆簽名明信片，人人滿載而歸。經過昨晚的Live，Alfred坦言今次能以嶄新破格的方式跟粉絲見面，實在十分難得，但他同時希望能可以跟粉絲當面見面，他說：「作為歌手，見到粉絲的落力支持，腎上線素都會飇升，令自己唱到一啲自己平時唱唔到嘅部份，所以都期待某月某年，跟大家喺紅館再遇見。」

原文鏈接：https://m.orangenews.hk/details?recommendId=150214