【識港網訊】天王劉德華主演的新戲《拆彈專家2》將於年底壓軸登場，今次故事繼續以「拆彈」為題，劉德華在片中有不少肉搏打鬥、奔跑、翻滾飛躍等鏡頭，是繼2017年墮馬意外康復後，最多動作場面的電影；向來做事認真的劉德華為求拍出理想效果，連場動作戲份均親自上陣，而且表現自如，沒有半點疲態，相當專業！

事後問到劉德華可有被該等鏡頭難倒？他笑言no problem：「好清楚自己身體狀況，反而武指、導演會擔心啲，我都叫佢哋唔使擔心。今次爆炸、拳腳動作等場面，過往我都曾經做過，所以能夠應付！不過如果拍攝過程一次唔得、兩次唔得、三次唔得，咁我就會比較辛苦，但導演安排好好，動作場面拍一、兩Take就完成。」

敏捷的身手固然是劉德華在《拆彈專家2》的看點，另一幕若隱若現、暗晒胸肌腹肌的畫面也甚有睇頭。劉德華表示：「老實講，身體自上次受傷之後，冇以前咁fit，我覺得喺體形各方面應該要盡快追番呢25%，當然要飲食、運動、生活各方面配合，身邊嘅人成日都讚我fit，所以劉德華唔fit真係會畀人笑，佢哋嘅鼓勵就是對我的鞭策。」

與此同時，電影公司今天（6號）釋出最新的《拆彈專家2》預告片，由導演邱禮濤親自監督，展現出由劉德華飾演的潘乘風心路歷程！另外除了炸機場的一幕早前曝光，今次的預告片還看到青馬大橋被炸、捲起千呎巨浪、貨輪沉沒，海中心出現蘑菇雲等翻天覆地的場面，幕幕驚心震撼，令人期待。

原文鏈接：https://m.orangenews.hk/details?recommendId=141894