【識港網訊】今屆落選港姐廖慧儀早前被指背住圈外男友Sam，撻著《#後生仔傾吓偈》的孔德賢（Danny），後來Sam更於社交網發文自爆被狠飛，更反問：「點解你要咁對我？」Sam的遭遇獲得網民同情，廖慧儀則飽受批評，雖然她一直沒有公開承認分手，但今日（20號）終於忍不住於社交網限時動態發文反擊，未知是否與舊愛Sam有關。

廖慧儀於文中講到：「密碼改幾多次都無用，原來一直仲偷用緊我EMAIL。跟蹤威脅恐嚇性騷擾，當街偷我電話跑走、捕我落堂、炸我WHATSAPP，講粗口鬧我唔去見你，全日打幾百個電話畀我打到我電話無電，出POST說我不是，話要畀世人公審我」

她坦言別人根本不知事件的來龍去脈，只是互不相識的人，所以自己被鬧也沒有所謂，但直斥對方不要扮作不是自己發文：「但唔好事後同我講個POST唔係自己出，係ACCOUNT被人HACK咗，再搵朋友食死貓，扮到事不關己，扮呀妹扮朋友搵我，日日都玩跳樓，你要搞清楚，呢啲唔係愛嘅表現。」

廖慧儀表示已經做了對方要的解決方法，相片亦已刪除，要求對方不要再騷擾她以及其家人朋友：「其實好多嘢已經可以報警處理，但諗下點解我被你騷擾咗一個月我都無咁做。點解？我一路被陌生人人身攻擊，我都無出聲，成件事如果你係受害者，呢個唔係你最想要同埋最好嘅結尾咩？」

橙新闻：https://www.orangenews.hk/officelady/140250.jhtml