【識港網訊】ViuTV全新劇集《熟女強人》將於9月28日隆重首播，劇情講述現今時下的女性多數身兼多職，既要照顧家庭又要兼顧事業。面對社會標準、迫人生活及輿論壓力，女性往往承受很多不必要的壓力。ViuTV全新劇集《熟女強人》以女性一生要面對的難題作題材，劇集透過七個女性去探討及穿梭一些大膽的話題，包括雪卵、爭撫養權、同性戀、性上癮、換妻、爸爸去哪兒及脫單等等，相信能引起不少觀眾處身設地的共鳴。當中吳千語飾演一個藍帶甜品師，跟男朋友Howard (柏天男 飾演)一起經營自家甜品小店。關始立（傅穎 飾演）的介入，改變了三個人的關係，周旋一段三角關係當中……

傅穎、栢天男日前拍攝《熟女強人》接吻戲份，Theresa就話今次要主動獻吻，更未試過要熱吻，所以二人都感到壓力。她本打算刷牙做準備，怎料道具組沒有牙膏而作罷：「之前台灣都試過拍呢類戲，點知我之前食香蒜涼麵，搞到對手好難受，而對手就本身傷風，我拍完嗰場之後，都病咗好一排！我好少拍動作戲，所以呢部戲好艷福無邊，栢天男係其中一個受害者！」

而栢天男就話事前確定大家「身體健康」才拍攝，埋位前亦做足準備功夫：「食香口珠嗰啲就必需啦，我都係冇咩呢方面經驗，要導演教路點做，好在呢個場景都嚟過幾次，感覺好似好熟悉咁，易啲投入角色。」

兩位演員拍攝前不停試戲、度位，只需兩Take收貨表現專業，Theresa笑指栢天男整到佢好痛：「佢啲鬚根真係拮到我好痛，但大家都係專業，所以埋位之後唔諗呢啲，只會諗住點樣投入角色。」

橙新闻：https://www.orangenews.hk/officelady/137449.jhtml