【識港網訊】14號，王梓軒正式推出〈Crossing過去。現在。未來〉雙黑膠碟。為了令粉絲們大飽耳福，王梓軒早在一個月前已計劃好兩場「網上CROSSING黑膠試聽會」，於上周六晚舉行，兩場一百人名額，短短數小時已爆滿！

每場約一小時的試聽會，粉絲大讚好聽，不少歌迷立即訂購黑膠碟。王梓軒表示：「印製唱片一波三折，今次出雙黑膠碟，係紀念同歌迷過去嘅十年，首先要同歌迷講好抱歉，因為delay咗好耐，上年12月嘅演唱會已經有預售，本身諗住隔一、兩個月就推出，但疫情關係delay咗。」

由於黑膠碟不在香港印，要到去英國印，王梓軒要重新做混音。一邊英國，一邊美國，王梓軒要和他們兩邊溝通，印刷和運輸都要delay。第一批包裝更出現問題，為了做到最好，令大家覺得物超所值和有紀念價值，團隊用了半年才處理好推出。

王梓軒提到製作黑膠是一次難得的經驗︰「最大困難係學習選曲、排歌同mixing，我之前全部都係CD或網上！原來放落黑膠個聲係唔同嘅，我哋排歌會影響到音質，黑膠碟排法有自己嘅邏輯，你亂咁排，唱盤支針向內行。你排得唔好啲聲會變形，我又學到好多嘢。」

揀歌方面，王梓軒亦經過幾番掙扎，他表示：「初時諗係咪將十年內最多人聽嗰20首歌擺落去。但諗諗吓覺得咁做冇乜意思，所以加插幾首之前冇plug過嘅歌，或者好代表我嗰個年代嘅諗法，我嘅聲音，因為我覺得呢個紀念係一個公開嘅日記，新歌迷可以當新歌聽，而且我好鍾意今次隻黑膠，由顏色、封面到入面嘅insert，甚至印刷都非常用心設計。」

橙新聞：https://www.orangenews.hk/officelady/137132.jhtml