【識港網訊】提到歌手李彩華（Rain），最深印象自然是其洗腦神曲《你唔愛我啦》，她最近擔任香港開電視節目《一曲走天涯》嘉賓，分享神曲背後的故事，更坦言歌曲是她夢寐以求的作品！

黃偉文（Wyman）與伍樂城於千禧年後推行「新廣東歌運動」，創作了數首以廣東口語入詞的歌曲，其中一首正是2002年推出的《你唔愛我啦》，歌詞淺白易明，道盡少女心事，Rain對這首歌亦相當滿意，直言是夢寐以求的作品：「當初我做模特兒得14歲左右，超級想著好可愛嘅衫，但往往安排我拍一啲好時尚嘅相；去到唱歌嗰陣都係，當時我係好少女嘅心態，好想唱呢類型嘅歌，但因為初出道有啲玉女形象同包袱，所以被迫要唱啲唔係我想唱嘅歌，最後畀我得到《你唔愛我啦》，正！」

《你唔愛我啦》是口語化歌詞的代表，也成為了Rain的代表作，她說自己年紀輕輕便入行，那時候沒有太多想法，公司安排唱甚麼，她便唱甚麼，也沒想到歌曲引起關注，因此份外興奮：「作為一個歌手，有首街知巷聞嘅歌，我覺得特別難，都冇諗過自己會有首歌令到所有人都識；加上呢個係代表香港女仔嘅一首歌，我覺得更難得。」Rain還笑言即使到了九十歲，仍然會用少女唱腔演繹這首歌！

提到《你唔愛我啦》當時長期霸佔電台熱播榜，Rain說這也是意料之外：「以我所知好似冇乜點推廣呢首歌，但自己上咗榜，多謝大家鍾意呢首歌，因為我知道好多DJ朋友成日會喺節目播呢首歌。」

原文鏈接：http://www.orangenews.hk/officelady/system/2020/04/28/010147609.shtml