【識港網訊】藝人張致恒（Steven）去年宣佈與粉絲雯雯結婚，隨即被踢爆他一腳踏五船，形象一舖清袋，不過他成為人夫和人父後立志改過自新，洗底做好老公好父親，去年11月更宣佈太太再度懷孕，一家人十分幸福。

至於內地網紅周揚青昨日踢爆舊愛羅志祥是渣男，未知是否有感而發，雯雯昨日於社交網發文，行文間支持老公，為他護航，她提到：「世界上每個人都會犯錯，但如果錯完，你唔俾（畀）機會佢去改變，佢呢世只會停留係原點，咁樣對一個人嘅人生唔會太可惜咩？你要去責罵人地（哋）犯嘅錯之前，其實應該去問問自己內心，自己又有冇犯過又或者犯緊錯，每個人都一定犯過錯所以你根本冇資格去給評論或去罵別人更加冇資格去打沉別人。」

雯雯認為一個人無論犯了大小的錯，上天定會給予懲罰以及要承受的，要承受的亦能足夠彌補所犯的錯，故此大家都沒資格去再加添任何說話，或數著和記住他人犯過的錯：「其實咁係冇意義，地球不停轉世界每日係度變，其實冇必要再望返轉頭，不如嘗試去期待一個變好左（咗）嘅人之後會帶來嘅開心事。每一個人內心都係善良所以我相信無論犯左（咗）咩錯嘅人，都係會變好，俾（畀）機會人等於俾（畀）世界多一個好人。」

原文鏈接：http://www.orangenews.hk/officelady/system/2020/04/24/010147227.shtml