【識港網訊】Mirror成員柳應廷（Jer）最近邀請了Dear Jane、陳健安及林二汶齊齊Jam歌，除了演繹熱播中的首支派台《水刑物語》外，Jer更與各音樂單位獻唱他們的作品。頭炮先有Dear Jane登場，Jer即時Band友上身，爆炸力滿分。

在求學時期已有夾Band的Jer，自參加《全民造星》後，Jer一直都未有試過在公開場合以Band友身份演出，今次與Dear Jane合作，分別錄製了自己的首支單曲《水刑物語》，以及Dear Jane的新歌《銀河修理員》 及《無可避免》，其中《水刑物語》以Band Sound編曲，與原曲有著截然不同的感覺。Jer興奮表示：「我一直都想有個Band Version，所以諗到要搵Dear Jane一齊Jam，好開心玩完之後好多人都覺得好好聽。」

Dear Jane主音Tim亦表示，今次有Jer的加入，他也從心底笑出來！他說：「Jer唱歌真係好stable（穩定）同好聽，我哋rehearsal（綵排）時錄低聽返，就聽到佢嘅唱功，唔怪得之佢話自己有夾Band！其實我哋都宣傳緊新歌《銀河修理員》，之前一直都只係玩Acoustic Version，今次係第一次有機會full band去玩，有Jer的加入，都感受到歌曲嘅力量。」 與三個不同音樂單位合作的過程中，Jer與Dear Jane錄影的時間最短，但他將功勞全歸Dear Jane，他說：「我只負責唱，全靠Dear Jane彈得好，先至令成件事快咗。」

Dear Jane結他手Howie則覺得今次可以如此順利，全因大家好夾，他說：「成日都有人有興趣一齊夾，但唔係個個都咁順利，今次同Jer嘅經驗係，佢一開口就做到嗰樣嘢，所以夾得好快。」其實錄製期間，見到Jer鮮有地Band友上身，忘我揈頭，展現了作為Mirror成員的罕有一面。 如果大家有印象，應該會記得Tim早在《造星》當評判時，已見識過Jer在台上的演出，問到他Jer有甚麼改變，他分享道：「個人大個咗！哈哈！《造星》時緊張啲，睇到佢緊張一面，不過各個參賽者都會緊張個比賽上所有表演，今次喺Band房Relax情況下合作，感覺好舒服。」

Tim又爆Jer好緊張今次合作，錄製前在Band房綵排時也份外認真，Tim說：「佢嚟到我哋Band房，一嚟就主動同我哋傾邊個唱邊part，其他人上嚟多數會hea下先開工，但佢一嚟就好focus，所以好正！」

原文鏈接：http://www.orangenews.hk/officelady/system/2020/04/08/010145506.shtml