【識港網訊】歌手李樂詩（Joyce）擔任本周六晚（29日）播出的節目《一曲走天涯》嘉賓，分享在樂壇發展的故事。談到李樂詩，不得不提25年前經典處境劇《真情》的主題曲《無悔愛你一生》，當中歌詞「笑聲笑聲滿載溫馨，快樂發心內」依然膾炙人口，Joyce也坦言很幸運能夠在香港音樂歷史上被想起，而她回望當日收到這首歌時，縱然未料到會爆紅，但亦覺是首特別的作品：「由黃霑填詞、顧嘉煇作曲，無論曲詞都好易上口，曾有粉絲見到我說『好開心認識你，因為呢首歌陪伴我哋成長』，一個歌手遇到一首咁厲害嘅歌，係非常幸運嘅事。」Joyce透露就算當年一晚演出中唱足5次，她依然未有半點厭倦，絕對是百唱不厭。

生於加拿大的李樂詩，擁有十級鋼琴資歷，畢業於多倫多皇家音樂學院，懂芭蕾舞及爵士舞，音樂造詣極高，1992年在機緣巧合下來港發展，推出首張個人專輯《李樂詩》已嶄露頭角，其實她來港發展初期卻不太習慣，因沒有朋友而感覺孤單：「喺香港生活有個好大嘅問題，就係我唔識過馬路，節奏太快，就算有路燈但3秒都唔夠，我成日趕唔切過，而且我喺香港識唔到朋友，香港人講嘢好快，我唔知佢哋講乜，當時其實好孤單，得媽咪陪我，冇同朋友出街，唯有喺屋企寫歌。」

1998年，Joyce因唱片合約問題甚少亮相香港，但性格樂天的她沒有半點怨言：「我唔係嗰種要不停忙嘅人，好多事情要睇係咪合得嚟，唔係唱歌好就可以，其實當時我都做咗好多登台表演、亦有教唱歌，因為我始終都係喜歡音樂。」

近年Joyce的重心已放到三位小朋友身上，未知三位小朋友可有遺傳媽媽的音樂天份？她表示10歲的大仔李然熙、7歲的二仔李然正都正在學鋼琴，只有3歲的細仔李然隆，未知對音樂有否興趣，至於將來會否讓兒子加入娛樂圈？Joyce想了一想：「都會畀機會佢哋，但係佢哋要知道，唔止唱歌好就得，仲有好多外在因素，例如關係及商業意識。」

原文鏈接：http://www.orangenews.hk/officelady/system/2020/02/27/010141210.shtml