【識港網訊】《全民造星II》進入直路階段，下個月15號即將舉行決賽。相信有追開節目嘅觀眾都唔會對Oscar Li（李祉均）陌生，壇長跳現代舞嘅Oscar第一個個人表演已經令人讚嘆。正如之前評判講，係呢個領域度佢已經係無人之境。不過之後分組賽佢嘅表現一樣好出色，噚晚（28日）分組賽嘅《黑鏡》，佢高空跳彈一幕，更叫人拍案叫絕，真係冇得輸！

呢幕一出，花姐、導師、評判全部都大讚，落地動作仲要超靈活同完美。加上整個表演設計好有創意，各組員亦發揮得好好，表情分亦加唔少，喺呢個表演上，編舞嘅Angus實在功不可沒。

另外，Oscar同JJ（范卓言）經常喺社交網放閃，令到粉絲直呼：「頂唔順！」例如Oscar分享咗同JJ嘅對話Cap圖出嚟，Oscar問JJ：「我靚唔靚？」JJ就好抵死話：「件衫靚。」Oscar就話：「搲Like失敗」，認真搞笑。

JJ亦Share咗《黑鏡》嘅表演，仲話：「如果我隻腳冇事我都想join。」Oscar就公開回應：「你喺我心入面嘛！」又叫JJ快啲去睇隻腳，Sweet到呢。雖然兩個經常放閃，粉絲一邊話「頂唔順」，但一邊又睇得好開心！

原文鏈接：http://www.orangenews.hk/officelady/system/2019/11/29/010133048.shtml