【識港網訊】一代文青女神鄭雪兒淡出娛樂圈多年，近年逐漸回歸幕前，先後參與電影《殺破狼．貪狼》以及網絡劇《飛虎之潛行極戰》，今年還與昔日《尋秦記》的拍檔合演《尋秦記》電影版，更簽約古天樂的電影公司，為其演藝事業重新出發。

重新出發想試新挑戰

談到再次回歸娛樂圈，雪兒坦言沒有想過會回港拍戲，後來與古天樂見面時提過如果間中回來香港，遇到一些有興趣的題材或角色，她都願意嘗試一下，恰巧對方表示沒有問題，便促成了今次的合作，不過她坦言這次不算是全面復出，只是有合適的工作便會回來完成。

不論是否全面復出，雪兒這次重出江湖，亦希望為觀眾帶來新鮮感，看到她另外一面：「我想試啲未試過嘅嘢，以及係人哋唔會諗到我係可以做到嘅角色，可能係好有型、或者係揸槍，有少少動作戲嘅角色。」由於雪兒甜姐兒的性格，經常笑面迎人，成為觀眾的固有印象，故此她想嘗試正經、不言苟笑的角色，帶給大家有意想不到的形象。

老公支持自己復出

雪兒淡出娛樂圈後，2010年與新加坡GHM酒店集團大股東Zecha公子Ajai Zecha拉埋天窗，婚後定居新加坡，擔起照顧家庭的責任，如今雪兒選擇再戰影壇，亦獲老公全力支持：「我老公而家愈嚟愈忙，不時都要飛嚟飛去，成日都唔喺新加坡，佢都希望我可以做啲自己鍾意同做得開心嘅嘢，至少有時間做啲想做嘅嘢，因為佢冇時間陪我。」

兩夫妻各有工作，不過他們都爭取見面相處的時間，還不時有家族旅行維繫感情，雪兒坦言與老公沒有特別的愛情保鮮方法：「我哋嘅關係係大家好了解大家，畀大家空間，因為我哋都係獨生子女，所以都好多信任，同埋因為識咗咁多年，又喺埋一齊咁多年，大家好了解對方，有啲嘢係『你明㗎啦』，唔需要講，唔需要解釋。」

不知「凍齡」是什麼

雪兒初出道時可謂第一代文青女神，如今44歲的她美貌依舊，再被冠上「凍齡女神」的美譽，然而雪兒直言起初不明白這個封號的意思：「第一次聽到都要有人解釋係咩意思，我真係諗唔出，以為係覺得我個人好Cold唔夠Warm！」雪兒透露自己平時注重飲食：「我食得好清，90%都係食菜，平時都飲好多水，同埋早啲瞓覺，我係為咗自己健康，係咁啱咁好彩Keep到！」不過雪兒認為保持青春最重要是抱著不停學習新事物的心：「如果你對新嘅事物有興趣先會專注用心去學，咁樣就會保持住年輕。」

髮型：Hair by Chris Cheng @ Ilcolpo platinu
化妝：Jennifer Chan @Annie G Chan Makeup Centre
服裝：3.1 Phillip Lim from Lane Crawford
場地提供：cubus28
鳴謝：Barry@relaxdearhk

原文鏈接：http://www.orangenews.hk/officelady/system/2019/11/06/010130912.shtml