【識港網訊】繼去年《明治憑甚麼》後，「旅遊達人」項明生（James）再度與香港開電視合作，顆拍盧頌恩（妹頭）及嘉賓陶傑、馮志豐，花逾一年時間，走訪五個東南亞國家：緬甸、泰國、柬埔寨、寮國、越南，穿梭廿多個不同城巿，製作全新一輯深度文化旅遊節目《明日世遺》，以發掘穩世景點及普世價值，James表示：「今次節目好有挑戰性，因為涉及5個國家政治史、殖民史，以及拆解英國殖民地同法國殖民地嘅區別，開拍前用咗半年時間不眠不休做資料搜集，之後再用咗半年時間進行拍攝，有別於一般吃喝玩樂嘅旅遊節目，而係具深度資訊、集歷史、文化於一起嘅旅遊節目。」

過去的30年，項明生漫遊120個國家，拍攝多個旅遊節目，不過今次拍攝所走訪的五個國家，James認為別具意義，尤其對現今香港人有警醒作用，James說：「今次拍攝嘅地方好多係具有普世價值，其實呢幾個國家，我都去過好多次，今次去想再發掘深啲，例如緬甸嘅民主運動、追訪昂生素姬足跡、赤柬殘酷政權，希望從其他殖民國家嘅歷史背景，從而令香港人反省，為香港帶來新嘅出路，亦係我構思今次節目嘅初心。」

問到五個國家中，最喜歡哪個國家？James二話不說即回答「緬甸」，他透露雖然踏足緬甸6次，但每次到當地都有種莫名其妙的新鮮感：「我第一次去緬甸，係喺軍政府年代嘅時候，緬甸喺近年先開放，佢好似一個初生BB，不斷改變，其中今次我走訪咗緬甸嘅蒲甘，我覺得蒲甘係個具有普世價值嘅地方，當地建築物好靚，有3000幾座超過千幾年歷史嘅佛㙮，過去因為管理不善而未能入到世界文化遺產系列。」

除了緬甸，James還推介寮國，亦是他心儀的國家之一，他謂：「寮國可以話係一個被遺忘、隱世嘅國家，寮國嘅風景真係好靚，過去寮國係法國嘅移民地國家，但至今仍保存咗好多法式風情，而且當地人民非常純樸，純樸到就算全個國家停電，都不會有人去偷搶嘢。」

提到旅程中的難忘事，James表示其中一日訪問了柬埔寨皇室公主Princess Sita，對方的爺爺是柬埔寨國父西哈努克親王，雖然Princess Sita貴為皇族，但毫無架子，表現親切，James謂：「對方同我分享咗好多佢嘅故事，1970年柬埔寨發生軍事政變，她喺赤柬統治時全家走難移居，她喺法國長大，隨後又跟媽媽移居英國生活，所以Princess Sita能操一口流利嘅英語同法語，又講咗好多佢爺爺嘅故事。」

原文鏈接：http://www.orangenews.hk/officelady/system/2019/08/06/010123150.shtml