【識港網訊】ViuTV全新劇集《REBOOT》將由7月8日起，星期一至五晚上10時正播放。故事講述意外獲得超能力的悍警周末（周國賢飾）、古惑仔刀boy（吳浩康飾）、虔誠神父來福 （駱振偉飾）及純樸善良的汪汪（楊尚友飾） 察覺到深水埗被邪教入侵，四人誓要將眾人拯救。

周國賢和吳浩康首次合作拍攝ViuTV新劇《Reboot》，二人一見如故成為好兄弟。周國賢就表示默契十足，不用多講已知道對方心思：「我地其實係同一屆新人，咁多年來都冇特別要傾電話，今次我地都帶結他到場，初時我怕唔夾，點知一起音樂，已知對方想要咩歌！」吳浩康亦表示：「我地未開工前已經約好，不過我地唔會掛住玩，都會對戲！不過冇嘢做嘅時候，應該都會唱返兩咀，以唔影響劇組為大原則！不論音樂同電視劇我地都係第一次合作，今次發生得好有趣，兩個歌手走埋一齊拍戲，人生真係好多事想像唔到，相信今次係我地結合嘅起步點。」一眾工作人員亦表示十分期待。

雖然《Reboot》是喜劇，但吳浩康為免刻意模仿前輩搞笑方式，所以暫時拒睇笑片做功課：「其實周星馳的電影我已經睇到識背，但係我覺得如果睇太多，怕跟咗人地演繹模式，所以都係睇劇本想要我點做，自己研究多啲。」他亦透露周國賢會突然爆肚，幽默感令人喜出望外：「咁佢係要咁做，好多時對白如果度定晒，就冇驚喜，反而佢地用自己想法去演戲，就會有新感覺！其實最難頂就係，佢成日做一個扮Cool嘅手勢，好在戲外佢冇咁做，如果唔係都幾難頂！」他亦笑指周國賢戲中成日冤枉自己，但戲外二人關係反而十分親厚：「我係好煩嘅人，唔使埋位成日講嘢，所以我都怕煩親佢，因為佢比我感覺係好靜的人。點知一熟咗，就知道佢都係同路人，有啲料到！」

原文鏈接：http://www.orangenews.hk/officelady/system/2019/06/26/010120040.shtml