【識港網訊】一年一度嘅《2019香港小姐競選》話咁快又到，今早一班參賽者就喺電視城進行首輪面試，雖然每年都有唔少令人「驚」喜嘅參賽者，但同時都有唔少養眼嘅靚女！

其中孖住出現嘅25歲黃嘉雯（Carmaney）同蔡嘉欣（Kayan）算係眾多參賽者入面最為高質，Carmaney曾代表香港出戰2018國際小姐，同時拍過唔少廣告同節目，已經入咗行6年！至於現為模特兒兼YouTuber嘅Kayan畢業於理工大學紡織及製衣系，曾經參加過校花校草選舉，擁有時裝店同美甲店嘅佢不時都拍攝美妝及旅遊嘅影片，喺YouTube都有一定嘅人氣。

至於現年23歲嘅Katy身高178cm，一對長腿相當煞食！任職模特兒嘅佢曾拍廣告及行騷，而家喺城大主修犯罪學。

另外現年19歲嘅Brittany以大露背黑衫晒小麥肌現身，完全唔識廣東話嘅佢透露來自洛杉磯，喺南加洲大學讀商科，而佢嘅雙手分別都有紋身，代表住父母同門牌號碼。

貌似吳千語、現年22歲嘅Jessie透露喺墨爾本大學讀建築系，身穿波點吊帶裙嘅佢相當青春，不過額頭唔少暗瘡，要用厚粉遮暗瘡。

原文鏈接：http://www.orangenews.hk/officelady/system/2019/06/24/010119837.shtml