【識港網訊】在公眾地方應守規則排隊，即使趕時間，就別人先讓自己亦非理所當然。有網民近日就目擊到一名港媽帶兒子到便利店買雪糕後，稱因為趕上堂，要求前方港男讓她付款，對方猶疑即「黑面」示人，更惡言相向，結果港男以一句神回覆KO港媽，獲不少網民大讚。

有網民在FB專頁「生仔要考牌系列」投稿，稱本月初於便利店買香口膠，排隊付款期間目擊該港媽帶着一名小學生兒子來買雪糕，並大聲催促兒子：「是但啦！快啲啦！遲到架啦我哋，xx uncle唔鍾意等人。」兒子選完雪糕後，兩母子便去排隊付款。

當時約有最少五人在排隊，母子排了未夠1分鐘，即向排在樓主前面、拿著一籃滿滿貨品的港男表示，兒子因趕時間上堂，故希望對方可先讓她付款。港男猶豫了一會，港媽即黑面，稱：「小朋友買杯雪糕唔阻你好多時間唧，你買咁多嘢。」

港男聞言後疑不滿港媽態度，遂以自己亦趕時間為由拒絕，港媽唯有「死死氣」排隊，但就大聲出言單打：「買咁多嘢都唔肯讓下人，知唔知阻住好多人架，阻人發達猶如殺人父母呀」、「都唔知有乜咁趕時間」。

港男隨後趁付款前，先讓只買香口膠的樓主付款，港媽見狀更加憤怒，並怒睥港男。港男轉身「再發功」說：「唔好意思，一到7點太陽落山，我就會變人狼，我趕住返屋企費事嚇親你個寶貝仔。」港媽兒子聽罷即望手表，驚慌地稱：「仲有幾分鐘咋喎！」港媽即啞口無言，樓主及收銀員聽到則忍不住笑出聲。

帖文引來不少網民留言大讚港男夠幽默，形容是「史上最好笑」，笑言要背下港男金句，「正呀，一生受用」、「人狼好波」、「那位男士EQ高又搞笑，就算那位媽媽要插隊都應該要問准排佢前面所有人」。另有網民擔心，「個仔助攻埋一份，返屋企唔知點算」。