【識港網訊】恭喜晒，Super Girls成員蔡明思（Jessica）今日宣布即將成為台灣人妻，Jessica仲係第一個Super Girls成員結婚添！

今年32歲嘅Jessica留言講到：「真的有好消息想告訴大家，首先恭喜陳生，他燒了三輩子的好香 這輩子終於可以娶我回家！ 」仲Post咗同未婚夫陳冠嘅合照添，又話陳冠係佢嘅天使，好Sweet呀！

Jessica回覆傳媒嗰陣，提到同男友拍拖差唔多6年，對方係喺香港做嘢嘅台灣人，從事金融行業：「點解我一直都冇講呢，其實係呢6年嚟我哋頭幾年都係Long D，感情未好穩定，所以唔係好想講，同埋佢喺呢幾年先返香港做嘢，慢慢穩定，自己覺得穩定先講出嚟。」佢又話加上男友係圈外人，所以都冇刻意講，除非真係終身伴侶，就會話畀大家聽。

Jessica又透露今次求婚喺泰國發生：「男朋友請咗經理人一齊呃我，話我有一個工作喺泰國，之後我入到泰國酒店房嘅候，就見到佢準備咗成屋嘅氣球同玫瑰花準備求婚，其實都好感動，都有眼濕濕嘅。」佢就話自己冇大喊，但坦言冇諗過佢會咁細心搞個浪漫求婚：「因為我真係一直覺得佢唔會求婚，所以我都覺得幾驚喜。」

原文鏈接：http://www.orangenews.hk/officelady/system/2019/04/11/010114195.shtml