【識港網訊】

不少西餐的沙律中都會出現麵包粒這款常見的配料，豐富口感之餘又有飽足感。但原來如此簡單的配料，亦會惹來爭議。有女網民近日於荃灣某餐廳點選沙律時加購了麵包粒，豈料出現「理想與現實」的情況，令她大惑不解，並將事件經過於網上分享，引發不少網民的討論。

該女網民於Facebook「中伏飲食報料區」群組圖文並茂地分享自己於某餐廳點選了自選沙律外賣，並加購$4的「麵包粒」，但發現店家提供的是「一塊塊麵包皮」，而非粒狀的麵包粒，令事主怒斥「同俾廚餘人食有乜分別」。其後事主有向餐廳提出疑問，但店員回應「我地不嬲都係咁做，得你唔鍾意，我地好受歡迎」。

事件引起不少網民討論，有網民認為「呢啲係隔夜麵包皮，睇唔出處理過，賣相奇差」。亦有網民表示加錢後卻得到這些麵包皮「真係好伏」。有網民則笑言餐廳當女事主是雀仔，而女事主亦搞笑回應「收到兜嘢，我都唔知自己係麻雀定白鴿」。更有網民嘲諷這道麵包粒為「手工菜、大損耗呀！」。

不少網民都認為餐廳做法有問題，更有網民嘲諷這道麵包粒為「手工菜、大損耗呀！」

當中有網民認真分析，指出麵包丁(Croutons)是用麵包皮或隔夜麵包烘焗而製，且「有啲傳統少少做法直頭放到過期，乾哂水先再用嚟做Croutons」，反問事主「用麵包皮有咩問題？」。只是驟眼看，相片中的麵包粒並無任何加工處理，事主亦表示曾於網上搜尋過Croutons的資料，指「Croutons嘅圖都係立體嘅，我呢兜應該就係啲方包邊直接批落黎嘅廚餘啦」。

有網民認真分析，指出麵包丁(Croutons)是用麵包皮或隔夜麵包烘焗而製，反問事主「用麵包皮有咩問題？」

原文鏈接：https://m.orangenews.hk/details?recommendId=1131621