【識港網訊】

藝人鍾欣潼（阿嬌）不時都會在社交平台同粉絲互動，最近佢仲迷上玩「變臉App」，仲拍片同粉絲分享，正當大家都以為阿嬌今次會模仿閨密蔡卓妍、容祖兒或霍汶希時，最後一眾粉絲都被阿嬌「大整蠱」，完全無人知佢扮邊個，令大家大跌眼鏡！

鍾欣潼（阿嬌）近年將工作重心放在內地，除了拍攝、參加綜藝節目之外，更會不時在社交平台同粉絲互動，深受網友喜愛。最近阿嬌仲迷上玩「變臉App」，只要透過app就可以變成其他人的臉，阿嬌仲特別分享影片，不過今次就冇人知佢扮邊個！

在片中阿嬌五官無太大變化，網民笑指她「大整蠱」，紛紛留言「鍾欣潼真像阿嬌」、「阿嬌變了鍾欣潼，太神奇了」、「以為會變蔡卓妍」、「變了甚麼？」。但有粉絲估計阿嬌是模仿曾合作主持內地節目《怦然心動20歲》的女星寧靜，不過兩人外表不相似，故不被察覺。

原文鏈接：https://m.orangenews.hk/details?recommendId=1129535