向海嵐（Anne）雖然已經47歲，但保養得宜，身形仲係咁fit，最近仲入股投資保健產品，由代言人「升呢」兼任老闆，仲夥拍王賢誌做一日店長，吸客力驚人！

 向海嵐升呢做老闆

向海嵐（Anne）早前成為保健產品的代言人，最近仲入股投資做埋老闆。Anne身體力行落足力去宣傳，仲夥拍王賢誌做一日店長，由搬貨、執貨到上架都親自完成。王賢誌更發揮「王牌司儀」口才，輕易Sell掂顧客！而向海嵐身為生招牌，亦吸引唔少師奶捧場，更引來不少途人要求「集郵」，吸客力驚人。

王賢誌稱讀書時曾在茶樓推點心做兼職

事後兩人接受訪問，Anne坦言體驗一日店長的過程緊張又驚險：「其實都有少少辛苦啦，因為自己好緊張，當有客人問嘢時要好熟悉產品資料，好驚自己會講錯，同時又好想做成單生意，唔多唔少都有啲壓力。」至於司儀經驗豐富的Vinci自言有一定的說服力，：「我覺得自己係個幾好嘅售貨員，因為我講嘢本身都有說服力，客人聽完都好有信心。」

王賢誌稱讀書時曾在茶樓推點心，所以搬貨執貨對他來說也是Easy Job：「搬貨唔算好操勞啦，我細個讀書時，屋企人移民加拿大開過一間中式酒樓，我有兼職做過『Busboy』傳菜推點心，嗰時仲操勞，所以今日呢啲算係好輕鬆喇！」