【識港網訊】

藝人吳君如監製和主演、改編自前殘奧金牌得主蘇樺偉真人真事的電影《媽媽的神奇小子》，上映至今票房已衝破2,200萬，而連日來一眾演員跑勻全港謝票，謝票場次更超過100場！昨日（9號）吳君如於社交網晒出一條謝票特輯，分享自己瘋狂謝票的原因，更坦言希望可以繼續跑下去，繼續謝票。

吳君如坦言對以前的她來說，跑這麼多間戲院謝票是一件「痴線」的行為，今次她在電影上映前一個月，先去了多場優先場，上映後則幾乎每天都入戲院，然而過程給予她神奇的感覺：「我從來未試過同觀眾咁接近，好多朋友問我點解要咁樣跑法？我嘅答案係，部戲觀眾鍾意，有人睇，你先有得跑啫。我越跑越覺得好難得有部戲，比到機會我哋跑，又值得我哋咁跑。」

吳君如認為謝票並非工作或宣傳，她真的享受觀眾對電影的愛，亦與觀眾互相交流：「觀眾見到我快樂，我見到觀眾仲快樂。好多後生仔叫我蘇媽，但係佢哋其實可能唔知我係邊個，我好開心可以喺戲院入面重新介紹我自己。我係演員吳君如。」

如今電影踏入第5周，吳君如希望這部戲的終點能夠遠一點：「等我可以繼續跑落去，一路謝票謝落去，永遠記住呢條神奇之路。」

原文鏈接：https://m.orangenews.hk/details?recommendId=1123864