【識港網訊】

於無綫歌唱選秀節目《聲夢傳奇》成為三料冠軍的炎明熹（Gigi），近日以大師姐身份拍片呼籲大家報名參加第二屆《聲夢》，表示：「只要你個夢想喺度，人生咁多機會畀你嘗試，點解你唔嘗試呢？」

片中Gigi被問到這幾個月來的轉變，她先搞笑表示髮型改變：「不過正經啲嚟講，應該係成熟咗。我係一個成熟嘅人，點解覺得自己成熟咗？其實冇得點解覺得，係因為覺得！」她坦言變成熟可能與比賽有關：「有陣時喺個比賽入面啲嘢未如理想，但係你要學識接受，因為次次玩法、各樣嘢都唔同，所以就算失敗咗或者成功咗，我覺得好似個年紀又大咗少少，心智又成熟咗少少，所以我覺得而家我係百毒不侵。」

提到當時為何要參加《聲夢》，Gigi笑言因為宣傳片上看到太空人：「我本身冇覺得呢個係唱歌比賽，太空人但係係唱歌比賽？OK我就參加咗，冇咩驅使我唔參加呢個比賽，仲要係個咁好嘅機會，同埋唔使錢！」雖然參賽後曾受傳聞困擾，但Gigi直言沒有後悔參賽，因為所有事情都很新奇：「可能係第一次拍嘢，同埋個個髮型係99度轉變，唔係，係360度！」

Gigi又坦言比賽初期很有自信，亦發覺其他人一起進步：「有陣時我去到啲樽頸位，好似又要行前，好似行唔到，行後又行唔到，好似kick住咁，所以冇諗過會行到呢個地步。」問到將來計劃？她希望能繼續做好唱歌這件事：「呢件事的確係比較擅長嘅嘢，之後再學好啲自己嘅興趣，可能結他要做好啲。」

原文鏈接：https://m.orangenews.hk/details?recommendId=1123647